Qazaqstan Respýblıkasy Investısııalar jáne damý mınıstrliginiń buıryǵy  №531

  2016 jylǵy 30 maýsym, Astana qalasy «Jer qoınaýyna memlekettik monıtorıngti júzege asyrý qaǵıdalaryn bekitý týraly» Qazaqstan Respýblıkasy Investısııalar jáne damý mınıstriniń 2015 jylǵy 31naýryzdaǵy № 398 buıryǵyna ózgeris engizý týraly «Quqyqtyq aktiler týraly» 2016 jylǵy 6 sáýirdegi Qazaqstan Respýblıkasynyń Zańy 50-babynyń 2-tarmaǵyna sáıkes buıyramyn: 1. «Jer qoınaýyna memlekettik monıtorıngti júzege asyrý kaǵıdalaryn bekitý týraly» Qazaqstan Respýblıkasy Investısııalar men damý mınıstriniń 2015 jylǵy 31 naýryzdaǵy № 398 buıryǵyna (Normatıvtik quqyqtyq aktilerdi memlekettik tirkeý tiziliminde № 11519 bolyp tirkelgen, «Ádilet» aqparattyq-quqyqtyq júıesinde 2015 jylǵy 3 tamyzda jarııalanǵan) mynadaı ózgeris engizilsin: kórsetilgen buıryqpen bekitilgen Jer qoınaýyna memlekettik monıtorıngti júzege asyrý qaǵıdalarynda: 2-tarmaq mynadaı redaksııada jazylsyn: «2. Jer qoınaýynyń memlekettik monıtorıngi jer qoınaýynyń memlekettik qoryn utymdy paıdalanýdy qamtamasyz etý jáne olardyń ózgerýin ýaqtyly anyqtaý, keleńsiz úderister zardaptaryn baǵalaý, olardyń aldyn alý jáne joıý úshin jer qoınaýynyń jaı-kúıin baqylaý, onyń ishinde Jerdi ǵaryshtan qashyqtyqtan zondtaý derekterin paıdalana otyryp baıqaý júıesin bildiredi.». 2. Qazaqstan Respýblıkasy Investısııalar jáne damý mınıstrliginiń Jer qoınaýyn paıdalaný departamenti (T.S. Toqtabaev): 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin baspa jáne elektrondy túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap kúntizbelik bes jumy kúni ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kún ishinde Qazaqstan Respýblıkasy Investısııalar jáne damý mınıstrliginiń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstri J.QASYMBEK «KELISILGEN» Qazaqstan Respýblıkasynyń Energetıka mınıstri __________ Q. Bozymbaev 2016 jylǵy «___»_________ «KELISILGEN» Qazaqstan Respýblıkasynyń Ulttyq ekonomıka mınıstri ____________ Q. Bıshimbaev 2016 jylǵy «___»_________ «KELISILGEN» Qazaqstan Respýblıkasy Premer-Mınıstriniń orynbasary – Qazaqstan Respýblıkasynyń Aýyl sharýashylyǵy mınıstri _________________ A. Myrzahmetov 2016 jylǵy 20 shilde Buıryq Qazaqstan Respýblıkasynyń Ádilet mınıstrliginde 2016 jylǵy 23 tamyzda Normatıvtik quqyqtyq kesimderdi memlekettik tirkeýdiń tizilimine №14132 bolyp engizildi.